دا ببساطه واحد كان بيدور ع الانترنت عن الـVisa لكن بالغلط كتبها Viza و دى الغلطه اللى خلته خلال 19 سنه تقريبا حقق اكتر من 5 مليون دولار ، طبعا الموضوع مش حظ بقدر ما هو اجتهاد و استغلال كويس للفرصه ، طب ازاى ...؟
المهم بقا إن Viza دى اللى كتبها بالغلط طلعت شركه للـ scooters ، كأى طفل طبيعى عاوز واحد ،فبدأ يسال عن التمن لقاه غالى جدا طيب يعمل ا...يه ؟؟ قال للشركه انه ممكن يبيع لهم عدد كبير جدا بس لو إدوله واحده مبدئيا مجانا ، من الذكاء التسويقى للشركه قالتله لو اشتريت 5 هتاخد السادسه مجانا، بدأ فورا يستغل حاجة هو بارع فيه؛ عمل حفلات رقص و باع حاجات عنده و اشترى اسهم و سندات لحد ما وفّر تمن ال5 فعليا و اشتراهم و باع 10 فى اول اسبوع لقرايبه و جيرانه لانه كان عنده قدره رائعه فى الكلام و إزاى يعرض المنتج و يوصله للناس صح ، عمل موقع ع الانترنت وصل ل30 الف زائر كل يوم ، باع 7 مليون scooter عن طريق الموقع و عن طرق 4 قنوات كمان !
بدأ يفكر إن لازم المشروع اللى إتبناه يكون أسلوب حياه فكر انه بما انه بيقدر يوصل للناس و يقنعهم بالسرعه الغريبه دى ينشر فكره استخدام الدراجات بدل مواصلات ، رفع شعار " scooter لكل مواطن" فى لندن ، كان فى فتره الغدا فى المدرسه بيجرى على مترو ليفربول و يوزع منشورات و يكلم الناس و يقنعهم ، فى الاول الناس اشترت منتجه كوسيله للتسليه ، لكن بعد فتره ادركوا اهميتها فى حياتهم و إنها فعلا أسلوب حياه و يستخدموها بالشكل دا ، دا كله "دومينيك" لسه عنده 17 سنه بس !
بدا شويه يحس بالغرور _حسب كلامه_ و قرر انه يسيب الحاجة اللى هو بارع فيها و فكّر انه قادر يعمل اى حاجة ، بعد ما لندن كلها بقيت مليانه بالدراجات بتاعته فكّر يعمل فرقه موسيقيه ، لكن للاسف فشل فشل زريع كمان ، حدد لنفسه 30 حاجة هيعملها و كان واثق اوى انه هيقدر يعملهم، معملش حاجة منهم نهائى !
و قالنا " يجب فرز الأهداف وتركيزها في مجموعة صغيرة، ووجوب قضاء الوقت الكافي في التفكير في الخطوة التالية"
عرف كده بعد ما خسر كتير جدا من فلوسه ووقته و مجهوده فى حاجة هو مش بارع فيها ، رجع تانى يشتغل فى مجال بيع المنتجات الصيدلانيه و بيدير انشطه ضخمه لشركات من خلال التليفون ، و عاوز يترشح لإنه يكون عمده لندن و هو عنده 19 سنه بس ! بس يعنى لا عجب فى ذلك لان فيه فى لندن 11 مليون واحد راكب الــ scooter اللى دخل لندن بسببه يعرفوه !
هو انتى اللى كاتبة الكلام دا يا مريم ؟
ردحذف