شرح الـ HTML مفيش أكتر منه في الانترنت .. و كلامي هنا مش للشرح .. كلامي هنا عشان اختصار الطريق .
HTML هي أساس الويب ، و أي حد هيشتغل في تطوير الويب لازم يكون عارفها .. لكن كتير من المبتدئين بياخدوا فيها وقت أكتر من اللي تستحقه . غالبا ده بيكون بسبب إنه مهتم يعرف كتير من التفاصيل اللي مش هتفيده دلوقتي و هينساها بعد دقايق .
نصيحة رقم واحد : مش لازم تعرف كل حاجة في HTML و انت بتتعلمها
نصيحة رقم واحد برضو : ما تشغلش بالك تحفظ كود .. اشغل بالك تعرف الأساسيات فقط لا غير .
عشان تقدر تتعلم HTML في ساعة واحدة أو أقل انت محتاج الأول تعرف وظيفتها الأساسية . و ظيفة HTML الأساسية هي " بناء " الموقع ... وضع مكونات كل جزء من الموقع . ما تشغلش بالك و انت بتتعامل مع HTML بالشكل أو التصميم أو الألوان أو أي حاجة شكلها حلو .. انت هنا زي اللي بيعمل أساسات فقط هيبني عليها بعدين .
طيب أتعلم ايه من الـ HTML ؟
عشان نجاوب على السؤال ده الأول .. لازم نعرف هي بتتكب ازاي .. HTML مبنية على مجموعة من الـ tags .. كل حاجة انت شايفها في صفحة الويب مكتوب لها tag يخليها تظهر في الصفحة .
يعني لو في بنت موزة عايزينها تظهر في الصفحة و " بافتراض " ان الموزز ليهم tag يبقى هنكتب كده .
<moza></moza>
واحد يقول لك الموزة دي شعرها لونه أصفر هتعمله ازاي ؟ .. يبقى هتزود خاصية للون الشعر .. بنسميها attribute فالكود هيبقى كده
<moza hair='yellow'></moza>
ده بقى الغلط .. اللي بيحصل انك بتنشغل بالـ attributes عشان تخلي صفحتك شكلها حلو .. فالبتالي بتاخد وقت طويل جدا عشان تتعلم HTML بعدين تكسل و ما تكملش ....
نصيحة رقم اتنين : ما تتعلمش attributes خالص إلا اللازمة لعمل التاج .
من الأخر لو عرفت القائمة اللي جاية دي يبقى كده انت اتعلمت HTML و تقدر تروح لـ CSS اللي هنتكلم عنها في بوست تاني ازاي برضو تنجزها في السريع .
اتعلم :
1- ازاي تعمل صفحة ويب .
2- تاج الـ paragraph
3- تاج الـ header
4- تاج links
5- images
6 - lists
----------
مش لازم تتعلم forms دلوقتي خالص ... ابقى اتعلمها لما تحتاجها في شغلك و وقتها هتنجز بسرعة برضو مش هتاخد منك وقت ، و بقية الحاجات التانية افكس لها دلوقتي مالهاش لازمة في مرحلتك دي و هتعطلك و خلاص .
ممكن بقى تتعلم منين :
w3schools
http://www.w3schools.com/html/default.asp
شرح فيديو : و طريقة الفيديو بنفس المنطق اللي شرحناه فوق .. بسرعة و في الانجاز
http://goo.gl/4ELuB8
HTML هي أساس الويب ، و أي حد هيشتغل في تطوير الويب لازم يكون عارفها .. لكن كتير من المبتدئين بياخدوا فيها وقت أكتر من اللي تستحقه . غالبا ده بيكون بسبب إنه مهتم يعرف كتير من التفاصيل اللي مش هتفيده دلوقتي و هينساها بعد دقايق .
نصيحة رقم واحد : مش لازم تعرف كل حاجة في HTML و انت بتتعلمها
نصيحة رقم واحد برضو : ما تشغلش بالك تحفظ كود .. اشغل بالك تعرف الأساسيات فقط لا غير .
عشان تقدر تتعلم HTML في ساعة واحدة أو أقل انت محتاج الأول تعرف وظيفتها الأساسية . و ظيفة HTML الأساسية هي " بناء " الموقع ... وضع مكونات كل جزء من الموقع . ما تشغلش بالك و انت بتتعامل مع HTML بالشكل أو التصميم أو الألوان أو أي حاجة شكلها حلو .. انت هنا زي اللي بيعمل أساسات فقط هيبني عليها بعدين .
طيب أتعلم ايه من الـ HTML ؟
عشان نجاوب على السؤال ده الأول .. لازم نعرف هي بتتكب ازاي .. HTML مبنية على مجموعة من الـ tags .. كل حاجة انت شايفها في صفحة الويب مكتوب لها tag يخليها تظهر في الصفحة .
يعني لو في بنت موزة عايزينها تظهر في الصفحة و " بافتراض " ان الموزز ليهم tag يبقى هنكتب كده .
<moza></moza>
واحد يقول لك الموزة دي شعرها لونه أصفر هتعمله ازاي ؟ .. يبقى هتزود خاصية للون الشعر .. بنسميها attribute فالكود هيبقى كده
<moza hair='yellow'></moza>
ده بقى الغلط .. اللي بيحصل انك بتنشغل بالـ attributes عشان تخلي صفحتك شكلها حلو .. فالبتالي بتاخد وقت طويل جدا عشان تتعلم HTML بعدين تكسل و ما تكملش ....
نصيحة رقم اتنين : ما تتعلمش attributes خالص إلا اللازمة لعمل التاج .
من الأخر لو عرفت القائمة اللي جاية دي يبقى كده انت اتعلمت HTML و تقدر تروح لـ CSS اللي هنتكلم عنها في بوست تاني ازاي برضو تنجزها في السريع .
اتعلم :
1- ازاي تعمل صفحة ويب .
2- تاج الـ paragraph
3- تاج الـ header
4- تاج links
5- images
6 - lists
----------
مش لازم تتعلم forms دلوقتي خالص ... ابقى اتعلمها لما تحتاجها في شغلك و وقتها هتنجز بسرعة برضو مش هتاخد منك وقت ، و بقية الحاجات التانية افكس لها دلوقتي مالهاش لازمة في مرحلتك دي و هتعطلك و خلاص .
ممكن بقى تتعلم منين :
w3schools
http://www.w3schools.com/html/default.asp
شرح فيديو : و طريقة الفيديو بنفس المنطق اللي شرحناه فوق .. بسرعة و في الانجاز
http://goo.gl/4ELuB8
ليست هناك تعليقات:
إرسال تعليق