قال: "معايا كمانجة وكراسة رسم وعايش ملك زمانى"
رمضان محمد إبراهيم شاب اتولد فى القليوبية، واتوفى باباه ومامته فى حادثة عربية وهو طفل ، وكان مصيره انه يدحل "ملجأ أيتام" .. ولكن على حد تعبيره المعاملة فى الملجأ كانت "معاملة حيوانات" ..
رمضان كمل تعليمه لحد الإعدادية وبعدين قرر يدرس المزيكا لأنه كان عنده موهبة عايز يكبّرها ، وكالعادى مكانش فى اهتمام من الملجأ واللى كانت مديرته بتاخد فلوس التبرعات لنفسها .. دخل معهد للموسيقى عشان يتعلم لكن خلال 10 سنين متعلمش فيه ازاى يكتب نوتة موسيقية ولا اتعلم يعزف غير أغنية أنت عمرى والنهر الخالد ! وكان السبب فى عدم اهتمام المعهد بيه انه من ملجأ ، فقرر انه يسيب المعهد ويتعلم بنفسه
اشتغل رمضان فى قهوة وجمع فلوسه لحد ما قدر ياخد شقة إيجار، وبعدها ساب الشغل فى القهوة لأنه عنده عزة نفس ومبيحبش حد يتحكم فيه على حسب كلامه :))
من كتر حبّه للبحر سافر اسكندرية وقرر يكمل حياته فيها ، وقال ان الحياة بالنسباله هى الموسيقى اللى بتخلى الناس تبتسم ، فى منطقة سبورتنج على البحر فى اسكندرية الناس بتلاقى رمضان قاعد يعزف وقدامه حلويات وكراسة رسم وألوان ، بالنسبة للناس الأهم من الحلويات اللى بيشتروها منه هى ضحكته الدايمة والسعادة اللى بيحسوا بيها لما بيسمعوا الموسيقى بتاعته ، ومن يومها الناس اعتبروه "عازف الإسكندرية.
آخر كلمة قالها لما الناس استغربت ان معظم حياته فى الشارع " أنا بكسب فى اليوم 50 جنيه حلال وبكده أنا مستور وعايش ملك زمانى"
ناس كتير هتعتبره مجنون عشان حياته كلها كانت فى الشارع لكنه عمل الحاجة اللى بيحبها ومسابش نفسه اليأس والفقر ياكلوه، لو أحلى حلم فى حياتنا هو السعادة فهو عرف ازاى يكون مبسوط :))
دور على حلمك الصغير وعيش مبسوط
حلمك لسه بتنفس
رمضان محمد إبراهيم شاب اتولد فى القليوبية، واتوفى باباه ومامته فى حادثة عربية وهو طفل ، وكان مصيره انه يدحل "ملجأ أيتام" .. ولكن على حد تعبيره المعاملة فى الملجأ كانت "معاملة حيوانات" ..
رمضان كمل تعليمه لحد الإعدادية وبعدين قرر يدرس المزيكا لأنه كان عنده موهبة عايز يكبّرها ، وكالعادى مكانش فى اهتمام من الملجأ واللى كانت مديرته بتاخد فلوس التبرعات لنفسها .. دخل معهد للموسيقى عشان يتعلم لكن خلال 10 سنين متعلمش فيه ازاى يكتب نوتة موسيقية ولا اتعلم يعزف غير أغنية أنت عمرى والنهر الخالد ! وكان السبب فى عدم اهتمام المعهد بيه انه من ملجأ ، فقرر انه يسيب المعهد ويتعلم بنفسه
اشتغل رمضان فى قهوة وجمع فلوسه لحد ما قدر ياخد شقة إيجار، وبعدها ساب الشغل فى القهوة لأنه عنده عزة نفس ومبيحبش حد يتحكم فيه على حسب كلامه :))
من كتر حبّه للبحر سافر اسكندرية وقرر يكمل حياته فيها ، وقال ان الحياة بالنسباله هى الموسيقى اللى بتخلى الناس تبتسم ، فى منطقة سبورتنج على البحر فى اسكندرية الناس بتلاقى رمضان قاعد يعزف وقدامه حلويات وكراسة رسم وألوان ، بالنسبة للناس الأهم من الحلويات اللى بيشتروها منه هى ضحكته الدايمة والسعادة اللى بيحسوا بيها لما بيسمعوا الموسيقى بتاعته ، ومن يومها الناس اعتبروه "عازف الإسكندرية.
آخر كلمة قالها لما الناس استغربت ان معظم حياته فى الشارع " أنا بكسب فى اليوم 50 جنيه حلال وبكده أنا مستور وعايش ملك زمانى"
ناس كتير هتعتبره مجنون عشان حياته كلها كانت فى الشارع لكنه عمل الحاجة اللى بيحبها ومسابش نفسه اليأس والفقر ياكلوه، لو أحلى حلم فى حياتنا هو السعادة فهو عرف ازاى يكون مبسوط :))
دور على حلمك الصغير وعيش مبسوط
حلمك لسه بتنفس
ليست هناك تعليقات:
إرسال تعليق